Musaayi muto kirabo Namutebi owemyaka 14,akawungeezi ke gulo yawangulidde Uganda omudaali gwa Zaabu mu mpaka za Cana Africa Junior Championships ezigenda mu maaso mu kibuga Tunis ekya Tunisia.
Namutebi yakozeseza eddakiiika 35, nobutikitiki 13, ow’okubiri Abas Kalak nakozesa eddakiiika 35 nobutikitiki 40 ate Ayman Nadeem eyamalidde mukifo ekyokusatu nakozesa eddakiiika 35 nobutikitiki 64.
Namutebi omuwanguzi mu buwanvu obwa metre 50, mu style ya Breast stroke musanyufu byansuso okutuuka ku kula lino. Mubyafaayo bye mpaka zino,guno gwemulundi ogusookedde ddala Uganda okuwangula omudaali gwa Zaabu mumpaka zino newankubadde nga zibeerawo buli luvanyuma lwa myaka e 2. Amawanga 25 gegali mu kutunka era Uganda yatwala abawuzi 12. Empaka zino ezo’mulundi ogwe 13, zaatandise nga 11 sabiiti Eno nga zakukomekerezebwa nga 15 omwezi guno.
